Saturday, October 31, 2020

इस्त्रायलची मोसाद



इस्त्रायलची मोसाद

लेखक : पंकज कालुवाला

मूठभर देशाची चिमूटभर गुप्तचर संस्था हे मोसाद चे खरे स्वरुप. मात्र कारवाया जगद्व्यापी. भल्याभल्यांनाही पुरुन उरणार्या. आजुबाजूला असलेली अरब शत्रू राष्ट्रे, इस्लामी दहशतवादी, आंतरराष्ट्रीय राजकारणातील शहकाटशह यातून मोसादनेच आतापर्यंत आपल्या मात्ृभूमीला अक्षरश: तारलं आहे. तिच्याच कारवायांचा मागोवा घ्यायचा हा प्रयत्न.

वाढीव मजकूर व विशेषत्वाने तयार केलेल्या नकाशांसह .

इस्त्रायलची मोसाद

लेखक : पंकज कालुवाला

किंमत : 700रु

सवलतीत : 630 रु

घरपोच व सवलतीच्या पुस्तकांसाठी संपर्क सहित वितरण 9960374739 / 9096399397


Wednesday, October 28, 2020

विश्वरुपाचे मर्म (एक तरी ओवी अनुभवावी)

अहंकार गेल्याशिवाय या जन्म मरणाच्या फेऱ्यातून मुक्त होता येत नाही. मनातील अहंकार, भिती नष्ट करण्यासाठी हे विश्वरुप दर्शन आहे. देवाचे विश्वरुप दर्शन हे भक्ताला घाबरवण्यासाठी नाही तर त्याला जागे करण्यासाठी आहे. हे विचारात घ्यायला हवे.

राजेंद्र कृष्णराव घोरपडे, मोबाईल 8999732685


अरे कोन्ही कोणातें न मारी । एथ मीचि हो सर्व संहारी ।

हे विश्वरुपव्याजें हरी । प्रकटित असे ।। 408 ।। अध्याय 11 वा


ओवीचा अर्थ - अर्जुना, वास्तविक कोणी कोणाला मारीत नाही, यांच मी स्वतःच सर्वांचा नाश करतो हे तत्त्व विश्वरुपाच्या निमित्ताने श्रीकृष्ण उघड करून दाखवित आहे.


हे मी केले, हे माझ्यामुळे झाले. याचा गर्व प्रत्येकाला असतो. राजकर्त्यांनातर याची लागणच झालेली असते. त्यांना तर सर्व जग आपणच चालवतो आहोत असे वाटत असते. त्यांना तर त्यांचे भवितत्व त्याच्यावरच अवलंबून आहे असे वाटत असते. पण हे राजकर्त्ये तितकेच भित्रे ही असतात. याचे उत्तम उदाहरण सांगायचे तर कंसांचे सांगता येईल. देवकीचा पुत्र कंसाला मारणार असे भविष्य कंसाला कोणीतरी सांगितले. तेव्हा कंसाने देवकीचे सर्व पुत्र मारले. देवकीला त्याने तुरुगातही ठेवले. इतका भित्रा तो होता. त्याने दहशत माजवली. ही दहशत भितीपोटी होती. माणसाला स्वतःचा जीव सर्वात प्रिय असतो. पण त्यासाठी त्याने किती निष्पाप जीवांना मारले. शेवटी विधिलिखीत होते तेच घडले. ते त्याला टाळता आले नाही. जे घडणारे आहे ते कोणी टाळू शकत नाही. नशिबातील गोष्ट कोणी बदलू शकत नाही. जन्म घेणारा जन्म घेतोच. तुम्ही त्याला एकदा माराल. दोनदा माराल. देवकीचे सात पूत्र मारले. पण आठव्याने कंसाला मारले. सध्याच्या युगात स्त्री भ्रुण हत्या हा प्रकार वाढला आहे. गर्भाशय तपासून स्त्री गर्भाची हत्या केली जाते. कंसाचा हा नवा अवतारच म्हणावा लागेल. पण कंसाचे काय झाले याचाही विचार करायला हवा. अहंकारच या सर्वामागे आहे. अहंकारच आपणास संपवतो हे लक्षात घ्यायला हवे. हा अहंकार घालवण्यासाठी दैवी शक्ती जन्म घेते. प्रत्येकातील अहंकार घालवण्यासाठी अशा घटना घडत असतात. राजाला सु्द्धा स्वतः राज्य घडवल्याचा अहंकार असतो. तो घालवण्यासाठी हे सर्व विश्वरुप दर्शन आहे. अहंकार गेल्याशिवाय या जन्म मरणाच्या फेऱ्यातून मुक्त होता येत नाही. मनातील अहंकार, भिती नष्ट करण्यासाठी हे विश्वरुप दर्शन आहे. देवाचे विश्वरुप दर्शन हे भक्ताला घाबरवण्यासाठी नाही तर त्याला जागे करण्यासाठी आहे. हे विचारात घ्यायला हवे. याचा अभ्यास करून यातील मर्म समजून घ्यायला हवे. हे मर्म समजले तरच खरा अध्यात्मिक विकास होईल. वाल्ह्याचा वाल्मिकी झाला, तसा या नराचा नारायण होईल. जितकी मोठी व्यक्ती तितका मोठा अहंकार असतो. तो घालवण्यासाठी तितके मोठे विश्वरुप भगवंताला घ्यावे लागते. विश्वरुप दर्शनामागचे प्रयोजन समजून घ्यायला हवे. तरच अध्यात्मिक प्रगती होऊ शकेल. मी, मी, मी..हा मी कोण ? स्वरुपाची ओळख झाल्याशिवाय हा मीपणा जाणार नाही. यासाठी स्वतःची ओळख स्वतः करून घ्यायला हवे. मी कोण आहे ? या स्वरुपाचे ध्यान करायला हवे. स्वरुपात मन रमवायला हवे. तरच या विश्वरुपाचे मर्म कळेल. विश्वरुपाचे खरे दर्शन होईल. मगच भक्तीची द्वारे उघडतील. 


Sunday, October 25, 2020

उदक्कार ( प्रतिमा इंगोले )

  


उदक्कार

माये तुझं रूप 

निर्गुण निराकार 

सगळ्या सृष्टीत 

सामावलेलं....


प्रत्येकाला

घेण्या कुशीत 

सारखं समोर 

आलेलं....


पण तेवढ्यानं

आता भागत नाही..

तेव्हा माये 

हो ना...

सगुण साकार!


मनामनात 

फुलू दे...

झंकार...

ओठाओठात 

उमटू दे...

उदक्कार...

उदक्कार!


प्रतिमा इंगोले.९८५०११७९६९

Saturday, October 24, 2020

वडणगेतील महिला म्हणतात, इंग्रजी नव्हे जर्मनही येते..!.

 


वडणगेतील महिला म्हणतात,  इंग्रजी नव्हे जर्मनही येते..!. 

मातृभाषेव्यतिरिक्त अन्य भाषांवरही तेवढेच प्रभुत्व असणे गरजेचे आहे. ग्रामीण भागातील महिलांनीही यात मागे असता कामा नये, या उद्देशाने डॉ. अपर्णा पाटील यांनी जागृती केली.

वाचा सविस्तर काय चाललंय अवतीभवती यामध्ये on इये मराठीचिये नगरी. 

Search Iye Marathichiye Nagari app on Google Play Store

Download App @

https://play.google.com/store/apps/details?id=com.atharv.iye_marathichiye_nagari

Friday, October 23, 2020

देव म्हणजे काय ? ( एकतरी ओवी अनुभवावी ).

 


देव म्हणजे काय ? ( एकतरी ओवी अनुभवावी )

अध्यात्मात चमत्काराला थारा नाही. कारण अध्यात्म हे विज्ञानावर आधारित आहे. चमत्कार हे विज्ञानातून घडत असतात. विज्ञान आणि अध्यात्म यात फरक आहे. मला साक्षात्कार झाला म्हणजे काय झाले ? मला त्याची अनुभुती आली म्हणजे काय झाले ?... वाचा सविस्तर

on इये मराठीचिये नगरी.

Search iye Marathichiye nagari app on Google Play Store

 Download App @ 

https://play.google.com/store/apps/details?id=com.atharv.iye_marathichiye_nagari

Thursday, October 22, 2020

गोंधळ ( प्रतिमा इंगोले)

 




गोंधळ 


माये!तुझं रूप मनामनात 

आरती घुमायची कानात 


एकदा नागवेलीच्या 

हिरव्या तांड्यात..

मन दचकलं

तूच दिसू लागली 

पानापानात...


तान्डभर सळसळ

हवेची झुळूक...

मनावर शहारा 

भीतीची चुणूक...


बया दार उघड 

बया दार उघड 


संतांची वाणी

दाटते उरात

कळ लागते  जीवघेणीे 


माये इथे तर 

सदाचीच फरफट

जिवाला काचणी

कोणापुढे घालावा

गोंधळ, तर

त्यांचीच मनमानी


शेवटी तुझाच

केवळ आधार 

निदान मन मोकळं 

करण्याचा पार..

बुडत्याला काडीचा आधार!


प्रतिमा इंगोले.९८५०११७९६९.

Wednesday, October 21, 2020

झाकलप ( प्रतिमा इंगोले )

 


झाकलप


माये आजकाल तशी 

झाकलपच फार...


अशावेळी संवाद 

होतो एक व्यवहार 

मन उलून येईल असं 

कोणी भेटतच नाही बघ 


तशी तू घेतेस कैवार

कधी मधी

निदान तसं वाटतं

अधी मधी...


तेही खूप पुण्याईचं 

तसं कोण मायेचं?

पण आजकाल 

आधार सुटल्यागत होतं 


मन उगाच 

थरथरू लागतं

आजचा दिवस निभला

पण उद्याचं काय?


अशावेळी तूच आठवू 

लागते महामाय!

भवताली परका माहोल 

मन होतं पाकोळी 

भिरभिरू लागतं 


सगळ्या वळचणी

ताब्यात घेतलेल्या 

अंगण तेही पारखं झालेलं...


प्रतिमा इंगोले.  ९८५०११७९६९

Monday, October 19, 2020

अलवार ( प्रतिमा इंगोले)

 


अलवार 

माये आजकाल 

असचं होतं बघ

मन सदा अलवार 

दाटून आलेल्या मेघागत..


कधीही झरतं आतल्या आत 

पापणीच्याही आत..

शिगोशिग पाणीच 

कधीही होतात ओले काठ...


कुणाशी सहज बोललं तरी

झरू लागतात 

डोळे अवचित 

मनही होत हळूवार...


चष्मा आहे हे बरं

नाही आजकाल

असं हळवं होणं

कुठं दिसतं साजरं...


आपण बोलावं 

मनाच्या गाभ्यातलं

तर समोरचा कोरडा ठक्क

सिंमेटच्या भिंतीगत

मन लिंपून बसलेला...


अशावेळी आपणच

हळवं मन झाकून 

होतो बेजार..

तसा तोही दुःख

झाकून, चेहरा 

पालटून तर आला नसावा...


म्हणूनच तुझ्या कुशीत 

फुटू लागतात मनाचे 

बांध,दुथडी वाहू

लागते पाणीच पाणी 

उगाचचं मन हेलावतं

आतल्या आत झरू लागतं...


प्रतिमा इंगोले.९८५०११७९६९.



 

.

Sunday, October 11, 2020

एक अनोखा वार्ताफलक...

 


एक अनोखा वार्ताफलक...

काही वार्ता फलकावर  "सर्व सोयीचे घर भाड्याने देणे आहे" असाही मजकूर आता दिसू लागला आहे.  "टेंबलाबाईच्या जत्रेची वर्गणी भरा" असे आषाढ महिन्यात आवाहन केलेले वार्ताफलक आज अश्र्विन महिना आला तरी जसेच्या तसे आहेत.

वाचा सविस्तर काय चाललंय अवतीभवती यामध्ये सुधाकर काशीद यांच्या लेख..
 on इये मराठीचिये नगरी. 

Search iye Marathichiye nagari app on Google Play Store
 Download App @ https://play.google.com/store/apps/details?id=com.atharv.iye_marathichiye_nagari

Tuesday, October 6, 2020

ज्ञानेश्वरीची वैज्ञानिकता...(आंतरजालावरून साभार)

 


ज्ञानेश्वरीची वैज्ञानिकता

विज्ञान युगाचा अभिमान धरणाऱ्या मंडळींना ज्ञानेश्वरीने विज्ञानावर कशी मात केली आहे हे त्यातील काही ओव्यांवरून लक्षात येईल. अलीकडच्या काही शतकांमध्ये जे क्रांतीकारक शोध लागले आहेत, त्यांचे मूळ ज्ञानेश्वरीत सापडते.....

ज्ञानेश्वरीतील या ओव्या जाणून घेण्यासाठी वाचा सविस्तर विश्र्वाचे आर्त यामध्ये
on इये मराठीचिये नगरी.

Search Iye Marathichiye Nagari app on Google Play Store

Download App @ https://play.google.com/store/apps/details?id=com.atharv.iye_marathichiye_nagari

Sunday, October 4, 2020

वरदान रागाचे...नातू आणि आजोबांच्यातील एक संवाद.


वरदान रागाचे...नातू आणि आजोबांच्यातील एक संवाद. 

आजवर गांधीजींवर लिहिलेली किती पुस्तकं आली त्याची गणती नाही. हा ओघ कितीही वाढला तरी त्यांच्याबद्दलचं आकर्षणही वाढतंच जातंय... या ओघात एक झुळूक माझीही, अनुवादक म्हणून !

.अरूण गांधी हे महात्मा गांधींचे नातू. त्यांचं ‘गिफ्ट ऑफ अँगर’ हे पुस्तक ‘वरदान रागाचे’ या शीर्षकानं आज ‘साधना प्रकाशना’कडून प्रकाशित होतंय... माझे संपादक विनोद शिरसाठ यांनी यासाठी खूप श्रम घेतले, ‘कर्तव्य साधना’ पोर्टलमधून या पुस्तकातील मजकूर दर आठवड्याला अतिशय नेमक्या फोटोंसहित प्रकाशित करण्याची त्यांची कल्पना चांगली होती. डॉ.अरूण गांधींनी ‘वारसा प्रेमाचा’ करण्यासाठी मला परवानगी दिलीच होती, पण आता हे दुसरंही पुस्तक अगदी हक्कानं माझ्याकडे सोपवलं. त्यांचे व बाकी सगळी प्रक्रिया पूर्ण करण्यासाठी मदत करणार्‍या तुषार गांधींचेही आभार! साधना प्रकाशन आणि लॉकडाऊनमुळे आपापल्या गावी अडकूनही शिरसाठांसारख्या संपादकाच्या जोडीने सगळी कामं नेमकी नि वेळेत करणार्‍या सर्व सहकार्‍यांचे आभार!

नातू आणि आजोबांच्या संवादातला या पुस्तकातला एक तुकडा इथं शेअर करतेय...

- सोनाली नवांगुळ

वाचा सविस्तर काय चाललंय अवतीभवती मध्ये on इये मराठीचिये नगरी. 

Search Iye Marathichiye Nagari app on Google Play Store

 Download App @ 

https://play.google.com/store/apps/details?id=com.atharv.iye_marathichiye_nagari

Friday, October 2, 2020

देवा तूं अक्षर....

 


देवा तूं अक्षर....

कुठे शोधीशी रामेश्वर अन् कुठे शोधशी काशी देहातील भगवंत राहीला देहातच उपाशी. यासाठी या देहातील भगवंत, देव जाणावा, तो जाणणे. त्याचा अनुभव घेणे. त्याची अनुभुती येणे हेच तर अध्यात्म आहे.
वाचा सविस्तर
on इये मराठीचिये नगरी.
Search Iye Marathichiye Nagari app on Google Play Store

Download App @ 

https://play.google.com/store/apps/details?id=com.atharv.iye_marathichiye_nagari